1. 新聞资讯首页
  2. 港聞

721襲擊案｜4被告求情 官：月台「無差別」襲擊案情嚴重 質疑「點解可以做啲咁嘅嘢」 (14:00)

• 港聞 • 阅读 17

今進行求情的被告為工程公司東主黃英傑（49歲）、商人林觀良（49歲）、「飛天南」吳偉南（58歲）及機械技工蔡立基（40歲）。另餘下3人將於明天（14日）求情，7月22日判刑。

葉官聽取黃英傑的代表求情後表示，黃英傑在案中角色較輕，本案亦非指控他有出手打人，參閱過其背景報告後，「覺得佢唔係一個壞人」。

另葉官在被告林觀良求情時表示，「月台襲擊係非常嚴重，相比大堂」，當日在車廂內的人都無法離開，如當初不歡迎有人到元朗站「搞事」，此心態未必認同但可以解釋，然而「人地都走啦，仲打？無差別人士，男女老幼困住無得走」，當日雙方武器不對等，有人手持的雨傘「都扑到爛咗」。他形容部分市民「好有勇氣」，但「睇咗好令人傷心」，反問「點解可以做啲咁嘅嘢？似乎好似完全喪失理智」，考慮事件嚴重性將判處較高的刑期。

辯方：吳偉南被物件撃中暈倒 官：可能係做咗壞事有一定報應

代表吳偉南的大狀表示，吳偉南當日曾被物件撃中而暈倒。葉官稱「但（片段中）唔見有嘢打到佢」，如被擊中致暈低，快要斃命，或會覺得他可憐，但欠缺證據支持下，「可能係做咗壞事有一定報應」。

代表蔡立基的大狀表示，蔡立基雖有刑事紀錄，但已多年無犯案。葉官回應道，「唔覺得呢度啲人好壞，嗰晚唔知點解個個失控」，又稱元朗範圍大，在元朗站出現非必然是要前往被告家園附近，「唔排除有人去，但唔清唔楚都咁對待」，直斥為「無差別對待」，又稱「唔係咁容易諗到理由輕判」，但會考慮將刑期同期執行。

721襲擊案 相關報道：

5被告暴動及有意圖而傷人罪成還押至7月22日判刑 僅王志榮罪脫當庭釋放【短片】（6月18日）

官裁林卓廷無「搞事」僅安撫他人 稱蔡立基凶神惡煞笑容獨特確認是片中人（6月18日）

官不同意「飛天南」充當「和事老」 稱與鄧懷琛等破壞社會安寧（6月18日）

来源：明報新聞網

赞 (0)
上一篇 2021-07-13 pm 1:40
下一篇 2021-07-13 pm 2:15

相关推荐